ກິດຈະກໍາຍ່າງປ່າ

ການຍ່າງປ່າເປັນກິດຈະກໍາຍອດນິຍົມ, ເສັ້ນທາງການຍ່າງປ່າໜຶ່ງວັນເລີ່ມຈາກ ການຍ່າງໄປຫາຕາດກວາງ ຊີ ແລະຕາດຊາຍ ຕາມເສັ້ນທາງຈະຜ່ານໝູ່ບ້ານຊົນເຜົ່າມົ້ງ, ບ້ານກຶມມຸ, ປ່າໄມ້ອັນຂຽວສົດ ແລະພູຜາ ພຽງຂ້າມແມ່ນໍ້າຂອງຈາກໃຈກາງເມືອງຫຼວງພະບາງໄປຫາເມືອງຈອມເພັດ ສາມາດຍ່າງເລາະທ່ຽວຊົມທິວທັດຂອງຕົວເມືອງຫຼວງພະບາງໄດ້, ພຽງແຕ່ທ່ານຍ່າງຕາມເສັ້ນທາງຍ່າງປ່າ ແລະ ພັກຄ້າງຄືນໃນໝູ່ບ້ານເຜົ່າມົ້ງ.

ໄປທາງເໜືອຈາກເມືອງຫຼວງພະບາງຫາເມືອງງອຍ ທ່ານຈະໄດ້ຮັບປະສົບການໃນການຍ່າງປ່າແບບ 2 ວັນ, ໃນລະຫວ່າງທາງຈະໄດ້ເຫັນນໍ້າຕົກຕາດ ແລະຖໍ້າຂະໜາດໃຫຍ່ ເຊິ່ງເປັນບ່ອນລີ້ໄພຂອງປະຊາຊົນໃນຊ່ວງສົງຄາມອິນດູຈີນ, ຈາກນັ້ນ ກໍຈະເດີນທາງໄປຮອດໜ້າຜາຫີນປູນສູງຊັນທີ່ມີທິວທັດອັນສວຍສົດງົດງາມ.

ລາຍການຍ່າງປ່າລາຄາອາດຈະລວມນໍາໂຮມສະເຕ, ແຄ້ມປິງ ແລະກິດຈະກໍາອື່ນໆອີກຫຼາກຫຼາຍ, ຜູ້ປະກອບການຈະຊ່ວຍອອກແບບປະສົບການໃນການຍ່າງປ່າໃຫ້ທ່ານຕາມຄວາມຕ້ອງ.

ສອບຖາມຂໍ້ມູນເພີ່ມເຕີມໄດ້ທີ່ບໍລິສັດທ່ອງທ່ຽວ (ຕາມຖະໜົນສາຍຫຼັກໃຈກາງເມືອງ).