ຕະຫຼາດກາງຄືນ

• ຕະຫຼາດກາງຄືນເປີດທຸກວັນ ແຕ່ເວລາ 17 ໂມງ ເຖິງ 22 ໂມງ.

ຕະຫຼາດກາງຄືນເປີດທຸກວັນ ແຕ່ເຕະຫຼາດນີ້ຕັ້ງຢູ່ຖະໜົນ ສີສະຫວ່າງວົງ ເລີ່ມຈາກ ສໍານັກງານທ່ອງທ່ຽວ ເຖິງ ຫໍພິພິດຕະພັນແຫ່ງຊາດ ແລະ ທຸກໆຕອນຄໍ່າ ຖະໜົນເສັ້ນນີ້ທີ່ມີຄວາມຍາວ 200-300 ແມັດ ຈະປິດການສັນຈອນ ເພື່ອເຮັດເປັນຕະຫຼາດກາງຄືນ.

ເປັນອີກໜຶ່ງສະຖານທີ່ສໍາຄັນ ທ່ານສາມາດໄປອຸດໜຸນຊ່ວຍເຂົາເຈົ້າ, ນອກຈາກເປັນການຊ່ວຍສົ່ງເສີມດ້ານອາຊີບຂອງເຂົາແລ້ວ ຍັງເປັນການສະໜັບສະໜູນໃຫ້ຄອບຄົວທີ່ມີການຜະລິດສິນຄ້ານັ້ນ ມີການພັດທະນາທັກສະຂອງພວກເຂົາ ແລະຊ່ວຍໃຫ້ຫຼຸດພົ້ນອອກຈາກຄວາມທຸກຍາກ. ຕະຫຼາດກາງຄືນເໝາະແກ່ການຍ່າງຫຼິ້ນໃນຍາມຄໍ່າຄືນ ເຖິງແມ່ນວ່າບໍ່ໄດ້ວາງແຜນໃນການຊື້ເຄື່ອງກໍຕາມ ແຕ່ຕະຫຼອດໄລຍະທາງຍັງມີອາຫານ ແລະ ເຄື່ອງດື່ມທີ່ຫຼາກຫຼາຍໃຫ້ໄດ້ລອງຊີມສໍາຜັດກັບລົດຊາດ, ເຂົ້າໄປທາງຮ່ອມນ້ອຍໆຂ້າງທາງໃຫຍ່ ທ່ານຈະໄດ້ສໍາຜັດລົດຊາດອາຫານທ້ອງຖິ່ນແບບດັ້ງເດີມແຊບ ຫຼາກຫຼາຍຊະນິດ ບໍ່ວ່າຈະເປັນເຂົ້າໜຽວ, ປີ້ງໄກ່, ຕໍາໝາກຮຸ່ງ, ແໜມ, ປີ້ງຢາ, ນໍ້າໝາກໄມ້ປັ່ນທີ່ປູກຕາມທ້ອງຖິ່ນ, ຊາ ແລະ ກາເຟ. ຕະຫຼາດກາກງຄືນເປັນໜຶ່ງໃນສະຖານທີ່ທ່ອງທ່ຽວທີ່ສາມາດຍ່າງທ່ຽວຊົມໄດ້ທຸກວັນ ແລະ ຈະໄດ້ເຫັນສິ່ງໃໝ່ ຫຼື ສິ່ງທີ່ທ່ານອາດບໍ່ເຄີຍເຫັນກໍໄດ້.