5 ປະເພດອາຫານວ່າງຕາມທ້ອງຕະຫຼາດຂອງຫຼວງພະບາງ
ອາຫານທີ່ເປັນເຂົ້າໜົມຄົບຄ້ຽວເອົາໄວ້ກິນຍາມວ່າງ
1. ປີ້ງກ້ວຍ
ທ່ານຈະເຫັນຄົນຂາຍປີ້ງກວ້ຍທີ່ປີ້ງຂາຍຢູ່ຕາມແຄມທາງ, ມີປີ້ງກ້ວຍຍັດໄສ້ທີ່ມີກິ່ນຫອມຫວານ ພຽງຍ່າງກາຍກໍເຮັດໃຫ້ນໍ້າລາຍໄຫຼ, ບາງຮ້ານກໍມີໄຂ່ປີ້ງນໍາ, ສາມາດຊອກຊື້ໄດ້ຢູ່ທົ່ວໆໄປຕາມຂ້າງທາງໃນເມືອງ.
1. ປີ້ງກ້ວຍ
2. ເຂົ້າໜົມຄົກ
ຫຼວງພະບາງ ມີຊື່ສຽງດ້ານການເຮັດເຂົ້າໜົມແພນເຄັກ, ເຂົ້ານົມໝາກພ້າວ ແລະ ເຂົ້າໜົມຄົກ ທີ່ປີ້ງໃນໂຮງຫຼໍ່ເຂົ້າໜົມເປັນຂຸມໆ, ເຂົ້າໜົມຄົກເຮັດມາຈາກນໍ້າກະທິ, ແປ້ງເຂົ້າຈ້າວ ແລະ ນໍ້າຕານປະສົມກັນ. ສາມາດຊອກຊື້ໄດ້ຢູ່ທົ່ວໆໄປ, ການຫຸ້ມຫໍ່ດ້ວຍໃບຕອງກ້ວຍຫຍິບເປັນຈອກ ທີ່ເປັນເອກະລັກດັ້ງເດີມ.
2. ເຂົ້າໜົມຄົກ
3. ເຂົ້າໜົມປະເພດຈືນ
ມີຮ້ານເຂົ້າໜົມເປັນຈໍານວນຫຼາຍຕາມຕົວເມືອງ, ໃນຕອນເຊົ້າຜູ້ຄົນມັກນິຍົມກັນກິນເຂົ້າໜົມປະເພດເຫຼົ່ານີ້ ສ່ວນໃຫຍ່ເຮັດມາຈາກແປ້ງ, ໂຮຍດ້ວຍເມັດໝາກງາ ເໝາະສົມທີ່ສຸດແມ່ນກິນກັບກາເຟຮ້ອນໃນຕອນເຊົ້າ, ລັກສະນະຂອງເຂົ້າໜົມເປັນກ້ອນກົມໆຈືນ ແລະ ໂຮຍດ້ວຍເມັດງາຂາວ ຊາວບ້ານມັກເອີ້ນວ່າ ເຂົ້າໜົມໝາກງາ. ສ່ວນໃນຕອນຄ້າຍແລງກໍຈະມີເຂົ້າໜົມຈືນອີກປະເພດໜຶ່ງ ເຊັ່ນ: ເຂົ້າໜົມຈືນປະເພດມີໄສ້ຍັດຢູ່ໃນ ມີຫຼາຍຊົດລາດໃຫ້ເລືອກ ທັງລົດຫວານ, ລົດເຄັມກໍມີ, ນອກຈາກນີ້ກໍມັກຈະເຫັນເຂົ້າໜົມທີ່ເອີ້ນວ່າ ໂດນັດ ວາງຂາຍຕາມຮ້ານນ້ອຍຕາມແຄມທາງ ສາມາດຫາຊື້ໄດ້ຢູ່ທົ່ວໄປ.
3. ເຂົ້າໜົມປະເພດຈືນ
4. ໝາກໄມ້ສົດ
ອາຫານວ່າງທີ່ບໍ່ຄວນພາດອີກປະເພດໜຶ່ງຄືໝາກໄມ້ສົດ ອາຫານເພື່ອສຸຂະພາບ ກໍຄົງຄິດເຫັນໝາກໄມ້ສົດ, ມີໝາກໄມ້ຫຼາຍຊະນິດມີທັງໝາກໄມ້ພື້ນບ້ານ, ໝາກໄມ້ທີ່ນໍາເຂົ້າມາ, ໝາກໄມ້ຕາມລະດູການ ທີ່ແມ່ຄ້າໄດ້ເອົາມາວາງຂາຍໝູນວຽນຕາມລະດູການຂອງໝາກໄມ້ແຕ່ລະຊະນິດ ເຊັ່ນ: ໝກພຸກ (ສົ້ມໂອ), ໝາກນັດ, ໝາກກ້ຽງ, ໝາກຮຸ່ງ, ໝາກ ເຊິ່ງມີໝາກໄມ້ຫຼາຍຊະນິດມາວາງຂາຍຕາມທ້ອງຕະຫຼາດທົ່ວໄປ.
4. ໝາກໄມ້ສົດ
5. ເຂົ້າຕົ້ມມັດ
ປະເພດເຂົ້າຕົ້ມທີ່ຫໍ່ດ້ວຍໃບຕອງ, ເປັນປະເພດຂອງຫວານພື້ນເມືອງອີກຊະນິດໜຶ່ງ ຊາວບ້ານນິຍົມເຮັດໄປໃສ່ບາດ, ເຮັດດ້ວຍເຂົ້າໜຽວຍັດໄສ້ດ້ວຍກ້ວຍ, ຖົ່ວ ແລະ ອື່ນໆ ປະສົມດ້ວຍນໍ້າກະທິ, ນໍ້າຕານພໍເໝາະ ຫຼັງຈາກຫໍ່ແລ້ວກໍ່ໜຶ້ງຈົນສຸກກາຍເປັນເຂົ້າຕົ້ມ.
