ເສັ້ນທາງຂອງ HENRI MOUHOT
ປະຫວັດສາດ ແລະ ວັດທະນະທຳ: ເສັ້ນທາງຂອງ HENRI MOUHOT
ທ່ານຮູ້ບໍ່ວ່າ HENRI MOUHOT ແມ່ນຄົນຝຣັ່ງຄົນທຳອິດທີ່ຄົ້ນຫາສິ່ງມະຫັດສະຈັນຂອງວັດ ຖືກຝັງຢູ່ບໍລິເວນຊານເມືອງຫຼວງພະບາງ? ການເດີນທາງໃນມື້ນີ້ຈະພາທ່ານໄປສູ່ຂຸມຝັງສົບຂອງຊາຍຄົນນີ້. ໃນລະຫວ່າງທາງ ທ່ານຈະມີໂອກາດຮຽນຮູ້ກ່ຽວກັບສິລະປະຫັດຖະກຳທ້ອງຖິ່ນຫລາຍຂື້ນ, ຫລັງຈາກນັ້ນກໍ່ອາບນໍ້າໃຫ້ຊ້າງກ່ອນທີ່ພວກເຂົາຈະອາບນໍ້າໃຫ້ຕົນເອງຢູ່ນໍ້າຕົກຕາດແສ້.
1. ບ້ານຜານົມ
ຫ່າງຈາກຕົວເມືອງພຽງ 2 ກິໂລແມັດ, ບ້ານຜານົມ ແມ່ນບ້ານຂອງກຸ່ມຜູ້ຕໍ່າຫູກທີ່ມີພອນສະຫວັນຫຼາຍ. ເປັນບ້ານໜຶ່ງ ທີ່ຜະລິດແຜ່ນແພໂດຍໃຊ້ຮູບແບບ ແລະ ເຕັກນິກແບບດັ້ງເດີມ, ຜະລິດຕະພັນທັງໝົດ ທີ່ສູນຫັດຖະກຳຜານົມ ແມ່ນຜະລິດໂດຍແມ່ຍິງ 82 ຄົນໃນແຂວງຫຼວງພະບາງ, ສູນຫັດດຖະກຳມີຄວາມພາກພູມໃຈໃນຜະລິດຕະພັນຂອງຕົນເອງ ເຊິ່ງໃນສູນປະກອບມີຜ້າພັນຄໍ, ຜ້າຕູ້ມ, ຜ້າບ່ຽງ, ແຜ່ນແຜໄໝ, ສີ້ນໄໝ ແລະ ເສື້ອສຳລັບຂາຍ, ຂ້າມຖະໜົນແມ່ນຮ້ານຂາຍເຄື່ອງຫັດຖະກຳເງິນ, ເຄື່ອງປະດັບອັນຍະມະນີທີ່ໜ້າສົນໃຈ, ຖ້າທ່ານໂຊກດີທ່ານອາດຈະໄດ້ເຫັນຊ່າງແກະສະຫຼັກຊ່າງຫັດຖະກຳເຮັດເຄື່ອງແກະສະຫຼັກ, ທ່ານສາມາດສັງເກດເບິ່ງວ່າມັນຖືກຜະລິດແນວໃດ. ການເດີນທາງໄປບ້ານຜານົມໃຊ້ເສັ້ນທາງມຸ່ງໜ້າໄປທາງທິດຕາເວັນອອກສຽງເໜືອ, ອອກຈາກເມືອງຜ່ານວັດປ່າໂພນເພົາ.
2. ບ້ານດອນແກ້ວ
ທ່ານອາດຈະສັງເກດເຫັນກະຕ່າທີ່ເຮັດດ້ວຍໄມ້ໄຜ່ຂະໜາດໃຫຍ່ຢູ່ຖະໜົນ ຫຼວງພະບາງ. ກະຕ່າສານດ້ວຍໄມ້ໄຜ່ສ່ວນໃຫຍ່ແມ່ນມາຈາກບ້ານດອນແກ້ວ ເຊິ່ງແມ່ນບ້ານນ້ອຍ ແຕ່ມີສະເໜ່, ຕັ້ງຢູ່ໃກ້ບ້ານຜານົມ ຢູ່ທີ່ນີ້ທ່ານຈະເຫັນກອງໄມ້ ໄຜ່ຈຳນວນຫຼາຍ ແລະມີຊາວບ້ານນັ່ງສານກະຕ່າໄມ້ໄຜ່ດ້ວຍຫຼາຍຮູບແບບ, ບ້ານນີ້ບໍ່ແມ່ນບ້ານທ່ອງທ່ຽວ, ສະນັ້ນຢ່າຄາດຫວັງວ່າຈະມີສັນຍາລັກໃດໆທີ່ຊີ້ບອກວ່າທ່ານມາຮອດແລ້ວ ການເດີນທາງໄປບ້ານດອນແກ້ວ, ລ້ຽວຊ້າຍຕາມເສັ້ນ ທາງຫລັງບ້ານຜານົມ.
3. Henri Mouhot ແມ່ນໃຜ?
Henri Mouhot ແມ່ນນັກສໍາຫຼວດດ້ານທຳມະຊາດວິທະຍາ ຊາວຝຣັ່ງຄົນທຳອິດທີ່ໄດ້ບັນທຶກຊາກຫັກພັງຂອງເມືອງອາຍະທຳບູຮານຂອງປະເທດກຳປູເຈຍ ອັງກໍວັດ (Angkor Wat) ແມ່ນໜຶ່ງໃນສະຖານທີ່ທ່ອງທ່ຽວທີ່ມີຊື່ສຽງທີ່ສຸດໃນອາຊີ, ຫລັງຈາກເດີນທາງຜ່ານປະເທດ ກຳປູເຈຍ, Mouhot ໄດ້ເດີນທາງມາປະເທດລາວ, ລາວໄດ້ຖືກເຕືອນວ່າມີຄົນຕ່າງປະເທດຈຳນວນໜ້ອຍ ໄດ້ເດີນທາງເຂົ້າໄປໃນປ່າຂອງປະເທດລາວ ແລະ ກັບຄືນມາຢ່າງປອດໄພ. ແຕ່ລາວຍັງເດີນທາງໄປຕໍ່ໄປ ໃນຊ່ວງລະດູຮ້ອນຂອງປີ 1860, ລາວໄດ້ເດີນທາງໄປຫຼວງພະບາງ ແລະ ຂຽນເລື່ອງນີ້ໄວ້ໃນປື້ມບັນທຶກຂອງລາວ ກ່ຽວກັບຄວາມງາມຂອງສິ່ງອ້ອມຂ້າງ: “ ຄືນທີ່ສວຍງາມ; ດວງຈັນມີຄວາມສວຍສົດງົດງາມເປັນພິເສດ, ສີເງີນຂອງພື້ນນໍ້າ ທີ່ໜ້າຮັກນີ້ຖືກລ້ອມຮອບໄປດ້ວຍພູຜາສູງ, ເບິ່ງຄືກັບປ້ອມປະກົດການທີ່ຍິ່ງໃຫຍ່ ແລະ ມືດມິດສຽງຮ້ອງຂອງແມງຈິ້ງລີ້ດແບ່ງເບົາຄວາມງຽບສະຫງົບ. “ສອງສາມເດືອນຕໍ່ມາ ລາວໄດ້ກໍໄດ້ມີອາການໄຂ້ ແລະໃນທີ່ສຸດລາວໄດ້ເສຍຊີວິດໃນຕອນແລງຂອງ ວັນທີ 10 ພະຈິກ 1861 ແລະ ໄດ້ຖືກຝັງໂດຍຄົນໃຊ້ຂອງລາວຢູ່ແຄມຝັ່ງຂອງນໍ້າຄານ, ທາງຕາເວັນອອກຂອງເມືອງ. ຫລາຍປີຕໍ່ມາ, ໄດ້ມີການກໍ່ສ້າງສຸສານ ຫຼື ຂຸມຝັງສົບຢ່າງເປັນທາງການຂື້ນ ເພື່ອໄປທີ່ອຸບໂມງຂອງ Henri Mouhot, ໃຫ້ໄປຕາມປ້າຍບອກທາງໄປຍັງບ້ານຊ້າງ, ເມື່ອທ່ານຜ່ານບ້ານຜານົມ, ທ່ານຈະໄປຮອດ S-Bend ເບີ່ງຕູບນ້ອຍໆຢູ່ເບື້ອງຊ້າຍມືມີປ້າຍຂໍ້ມູນກ່ຽວກັບສະຖານທີ່ຝັງສົບ, ຍ່າງລົງຕາມເສັ້ນທາງນ້ອຍຜ່ານແກ້ງນູນລຽບແຄມນໍ້າຄານຂຶ້ນໄປໃຊ້ເວລາ ປະມານ 10 ນາທີ ຈົນກວ່າຮອດອຸບໂມງຂຸມຝັງສົບ.
4. ບ້ານຊ້າງ (ແຄ້ມຊ້າງ)
ມີຫລາຍບໍລິສັດທີ່ໃຫ້ໂອກາດແກ່ນັກທ່ອງທ່ຽວທີ່ຈະເຂົ້າໃກ້ຊ້າງ, ໝູ່ບ້ານຊ້າງແມ່ນຕັ້ງຢູ່ເທິງດິນທີ່ຖືກຮັກສາຢ່າງສວຍງາມຕິດກັບແມ່ນໍ້າຄານ, ແພັກເກັດມີລາຄາບໍ່ແພງນີ້ປະກອບມີການຍ່າງຊົມຊ້າງ ແລະ ກິນເຂົ້າປ່າສ່ວນຕົວຢູ່ນໍ້າຕົກຕາດທີ່ງຽບສະຫງົບໃນປ່າ. ນອກນັ້ນທ່ານຍັງສາມາດຮຽນຮູ້ວິທີການເປັນຄວານຊ້າງໄດ້ອີກດ້ວຍ, ກະລຸນາເຮັດການຈອງລ່ວງໜ້າ ເພາະວ່າມີໄລຍະເວລາຈຳກັດສຳລັບຊ້າງ, ຂໍ້ມູນເພີ່ມເຕີມໃນເວບໄຊທ໌ນີ້.
5. ນໍ້າຕົກຕາດແສ້
ຈຸດທີ່ສຳຄັນຂອງເສັ້ນທາງຫຼວງພະບາງເມື່ອມາຮອດມາເຖິງຄືນໍ້າຕົກຕາດກວາງຊີ ແຕ່ມັນບໍ່ໄດ້ມີພຽງແຕ່ເປັນນໍ້າຕົກຕາດກວາງຊີເທົ່ານັ້ນທີ່ໜ້າສົນໃຈ, ແຕ່ຍັງມີນໍ້າຕົກຕາດແສນທີ່ມີລັກສະນະເປັນຕົກຂະໜາດນ້ອຍເປັນຊັ້ນໆ ບໍລິເວນນໍ້າຕົກມີພື້ນທີ່ດຳລົງຊີວິດທີ່ຖືກສ້າງຂື້ນໃໝ່ ຕ່າງຈາກນໍ້າຕົກຕາດກວາງຊີ ແລະ ມີດາດຟ້າຂ້າມນໍ້າຕົກທີ່ທ່ານສາມາດພັກຜ່ອນແລະເພີດເພີນໄປກັບສຽງນໍ້າຕົກຕາດ, ຢູ່ໃກ້ໆນີ້ມີແຄ້ມຊ້າງ ໃຫ້ນັກທ່ອງທ່ຽວມີໂອກາດຢ້ຽມຊົມໃຫ້ອາຫານຊ້າງ ຫຼື ແມ້ກະທັ້ງຂີ່ຊ້າງໄດ້ອີກດ້ວຍ.
