5 ສິ່ງທີ່ເຮັດ ຊ່ວງຝົນຕົກ
ຖ້າຫາກມື້ໃດຫາກອາກາດບໍ່ຄ່ອຍເປັນໃຈມີຝົນຕົກ, ສິ່ງໃດທີ່ເຮັດໃຫ້ນັກທ່ອງທ່ຽວ ເພີດເພີນ ແລະ ມີຄວາມສຸກໄດ້ຢູ່ຕາມຕົວເມືອງ, ມີກິດຈະກໍາທີ່ຫຼາກຫຼາຍໃຫ້ຫຼິ້ນ ແລະ ທ່ຽວຊົມໃນຊ່ວງລະດູຝົນ ບໍ່ວ່າຈະເປັນ ການເຂົ້າທ່ຽວຊົມໃນພະລາດຊະວັງ, ຕໍ່າຫູກ, ນວດຜ່ອນຄາຍ..
1. ຫໍພິພິດຕະພັນ (ພະລາດຊະວັງເກົ່າ)
ຫໍພິພິຕະພັນແຫ່ງຊາດ ຫຼືພະລາດຊະວັງ ແມ່ນສັນຍາລັກຂອງການພົວພັນລະຫວ່າງລາວ ແລະ ຝຣັ່ງ. ຖືກສ້າງຂຶ້ນໃນລະຫວ່າງປີ 1904 – 1909, ພຽງແຕ່ສອງສາມປີກ່ອນທີ່ອານາຈັກຫຼວງພະບາງໄດ້ຮັບການປະກາດເປັນລັດປົກປ້ອງ ແລະ ສ່ວນທີ່ເຫຼືອຂອງປະເທດລາວຕົກຢູ່ໃນອານານິຄົມຂອງປະເທດຝຣັ່ງ ການອອກແບບຂອງພະລາຊະວັງແມ່ນຢູ່ໃນແບບຂອງຝຣັ່ງ, ເຊິ່ງມີສ່ວນປະກອບຂອງສະຖາປັດຕະຍະກຳ ຂອງຄົນລາວ ແລະໃນທີ່ສຸດການກໍ່ສ້າງອາຄານກໍ່ສ້າງສຳເລັດ ເມື່ອເຈົ້າຊີວິດ ສີສະຫວ່າງວົງ ຕັດສິນໃຈສ້າງສ່ວນທີ່ເປັນຍອດແຫຼມ spire ເທິງອາຄານຂ້າງເທິງຫ້ອງບັນລັງໃໝ່ ເພື່ອທົດແທນບ່ອນເກົ່າ ໂດຍມີການອອກແບບໃນຮູບແບບຂອງລາວທີ່ເໜາະສົມ. ນອກຈາກນັ້ນຍັງມີຫ້ອງໂຖງຈອດລົດຂອງກະສັດຢູ່ພາຍໃນ. ທ່ານສາມາດເຂົ້າໄປຊົມໄດ້ໃນຫໍພິພິທະພັນ.
1. ຫໍພິພິດຕະພັນ (ພະລາດຊະວັງເກົ່າ)
2. ເປີດມູມມອງໃໝ່
ໃນຂະໜະທີ່ພັກຢູ່ຫຼວງພະບາງນີ້ ລອງເປີດມູນມອງໃໝ່ຮຽນຮູ້ທັກສະໃໝ່ໆ, ມີບ່ອນສອນການຝຶກທັກສະ ແລະ ອົບຮົມໄລຍະສັ້ນໆ ເຊັ່ນ: ຮຽນເຮັດລາບ, ການປະສົມອາຫານແບບລາວໆ ຢູ່ຕາມສູນເປີດສອນຢູ່ໃນຕົວເມືອງ, ນອກຈາກນີ້ ຍັງມີບ່ອນໃຫ້ຮຽນຮູ້ວິທີລ້ຽງມ້ອນ, ການສາວໄໝ, ທໍຜ້າ, ຕໍ່າຫູກແບບດັ້ງເດີມ ແລະ ຍັງມີການຈັກສານ, ການແກະສະລັກໄມ້, ຄວັດເຄື່ອງເງິນ, ການເຮັດນາ, ການຕົ້ມເຫຼົ້າຂາວ ແລະ ອື່ນໆ.
2. ເປີດມູມມອງໃໝ່
3. ຮ້ານອ້າຍໜູນ້ອຍ ຫ້ອງສະໝຸດເພື່ອການສຶກສາ
ເຮັດສິ່ງທີ່ມີປະໂຫຍດໃຫ້ກັບນ້ອງໆ ໃນຊ່ວງທີ່ທ່ານມາພັກຢູ່ຫຼວງພະບາງ, ຜູ້ຄົນຈໍານວນຫຼາຍຕ້ອງການຢາກຮຽນພາສາອັງກິດ ແຕ່ບໍ່ມີຜູ້ສອນ, ທ່ານອລງໄປເປັນຜູ້ສອນພາສາອັງກິດໃຫ້ພວກເຂົາຢູ່ທີ່ສູນອ້າຍໜູນ້ອຍລອງ, ສູນຕັ້ງຢູ່ໃກ້ກັບໂຮງແຮມ 3 ນາກາ, ເປີດທຸກວັນ, ເຊິ່ງເປີດໂອກາດໃຫ້ເດັກນ້ອຍຮຽນຮູ້ພາສາອັງກິດກັບຄົນຕ່າງປະເທດ, ນັກທ່ອງທ່ຽວສາມາດສອນເດັກນ້ອຍໄດ້ໃນຊ່ວງ 9 ໂມງເຊົ້າ ແລະ 5 ໂມງແລງ, ບໍ່ໄດ້ໂທຈອງລ່ວງໜ້າກໍສາມາເຂົ້າໄປໄດ້ ຂໍ້ມູນເພີ່ມເຕີມ ຮ້ານອ້າຍໜູນ້ອຍ. ອ່ານຂໍ້ມູນເພີ່ມເຕີມ>>
3. ຮ້ານອ້າຍໜູນ້ອຍ ຫ້ອງສະໝຸດເພື່ອການສຶກສາ
4. ການນວດຜ່ອນຄາຍ
ໃນຂະນະທີ່ຝົນຕົກ ກໍຍັງມີສິ່ງທີ່ໃຫ້ທ່ານໄດ້ເຮັດຜ່ອນຄາຍ ເພື່ອບໍ່ເປັນການລໍຖ້າໃນຊ່ວງຝົນຕົກ ໄປນວດຜ່ອນຄາຍສະບາຍ ຢູ່ເທິງໂຕະນວດທີ່ມີກິ່ນຫອມນໍ້າມັນຈາກສະໝູນໄພແບບທໍາມະຊາດ, ເຮັດໃຫ້ຮ່າງກາຍໄດ້ຜ່ອນຄາຍໄດ້ເປັນຢ່າງດີ. ຢູ່ໃນຫຼວງພະບາງ ມີຣີສອດລະດັບ 5 ດາວຫຼາຍແຫ່ງເປີດໃຫ້ບໍລິການສະປາໃຫ້ທ່ານໄດ້ເລຶອກ ການນວດປະເພດຕ່າງໆ, ນວດນໍ້າມັນສະໝູນໄພຫອມ, ນວດໃບໜ້າ, ນວດຄີງ, ນວດຕີນ-ມື ແລະ ອື່ນໆ ເປັນການນວດແບບແຜນບູຮານ. ປັດຈຸບັນ ມີຮ້ານນວດສະປາຢູ່ຫຼາຍແຫ່ງ ລວມທັງຮ້ານນວດຕີນໂດຍສະເພາະກໍມີແລ້ວແຕ່ທ່ານຈະເລືອກໃຊ້ບໍລິການ.
4. ການນວດຜ່ອນຄາຍ
5. ຊົມສູນເກັບກູ້ລະເບີດ
ໃນລະຫວ່າງປີ ຄ.ສ 1967-1973 ລາວຖືກຖິ້ມລະເບີດໃສ່ໂດຍສະເລ່ຍ 8 ລ້ານຕັນໃນ ທຸກໆ 8 ວິນາທີ, ໃນຊ່ວງນັ້ນເອງອາເມຣິກາໄດ້ເພີ່ມຈໍານວນຖ້ຽວບິນຖິ້ມລະເບີດໃສ່ລາວເປັນຈໍານວນຫຼາຍທີ່ສຸດໃນຊ່ວງສົງຄາມໂລກຄັ້ງທີສອງ, ປະລິມານລະເບີດທີ່ຖືກລົງມານັ້ນຫຼາຍຊໍ່າໃດ ກໍປຽບທຽບທຽບເທົ່າກັບຫ່າຝົນທີ່ຕົກລົງມາເລີຍ. ປັດຈຸບັນ ຍັງມີລະເບີດທີ່ບໍ່ທັນແຕກຈໍານວນຫຼາຍຢູ່ໃນທົ່ວທຸກພາກຂອງລາວ, ເຮັດໃຫ້ມີຜູ້ເສຍຊີວິດຈາກເຫດການລະເບີດທີ່ຕົກຄ້າງນີ້ຈໍານວນຫຼາຍ, ຖ້າທ່ານໄດ້ເຂົ້າໄປສູນວາງສະແດງຂອງອົງການເກັບກູ້ລະເບີດທ່ານກໍຈະໄດ້ຮັບຮູ້ຂໍ້ມູນລະອຽດກ່ຽວກັບເຫດການດັ່ງກ່າວໄດ້ຈະແຈ້ງຕື່ມ, ມີເລື່ອງລາວເຫດການທາງປະຫວັດສາດທີ່ໜ້າສົນໃຈ, ມີການວາງສະແດງຮູບພາບ, ສາລະຄະດີຂອງທີມງານເກັບກູ້ລະເບີດທີ່ສ່ຽງອັນອັນຕະລາຍໃນການປະຕິບັດໜ້າທີ່ເກັບກູ້ລະເບີດບໍ່ທັນແຕກ. ສູນ UXO ຕັ້ງຢູ້ດ້ານລັງຂອງອານຸສາວະລີ ປະທານສຸພານຸວົງ ບ້ານນາວຽງຄໍາ, ນະຄອນຫຼວງພະບາງ.
